Sahaja Yoga á Íslandi

Tenglar:

Velkomin í Sahaja Yoga

„Sahaja yoga felur í sér hreinsunarmátt sem gerir þig í senn svo öflugan og hreinan að allir þínir agnúar hverfa einn af öðrum. Það er þó einkum í kyrrðinni innra með okkur sem helsti styrkurinn liggur. Jafnvægið er voldugasta tækið sem við eigum.“ - Shri Mataji Nirmala Devi.

Eiginleiki Andans er sá að hann felur ævinlega í sér sannleikann. Sannleikurinn er það sem þú þekkir frá miðtaugakerfinu. Innra með okkur búa allar þessar orkustöðvar eins og þær koma okkur fyrir sjónir á myndinni.

Við sem lifandi mannverur getum ekki lifað í sátt og samlyndi við Móður jörð, hvað þá við hvort annað nema að komum fyrst á friði í okkur sjálfum og öðlumst sjálfsvitund. Sjálfsvitundarvakning á sér stað þegar við vekjum úr dvala sjálfa alheimsorkuna, Kundalini, og verðum eitt með henni. Sahaja yoga gerir öllum kleift að öðlast þessa dýrmætu reynslu á einfaldan hátt. Yoga felur í sér samband innri líkama við hina allsráðandi og umlykjandi alheimsorku. Í Sahaja yoga þroskast þessi sjálfsprottna eining og skapar nýja vitund fyrir hinu innra sjálfi og fínofna orkukerfi sem í okkur býr.

Hvernig kemur Sahaja Yoga mér að gagni?

Árangurinn af Sahaja yoga mun samstundis birtast þér í minnkandi streitu, meiri ró og vellíðan. Hvað líkamlegu hliðina varðar, hefur það verið vísindalega sannað að reglulegar hugleiðsluæfingar í Sahaja yoga geta unnið á vissum sjúkdómsmeinum og jafnvel læknað þau að fullu. Sahaja yoga hjálpar þér að öðlast bæði hugarfarslegt og tilfinningalegt jafnvægi og ná hæsta stigi andlegs þroska og uppljómunar.

Hvað kostar Sahaja Yoga?

Sahaja yoga stendur öllum þeim sem þrá að kynnast því frítt til boða. Öll námskeið í Sahaja yoga, bæði byrjenda- og framhaldsnámskeið, eru unnin í sjálfboðavinnu. Kostnaðinum, sem fylgir prentun bæklinga, hugsanlegri leigu á húsnæði, kaupum á nauðsynlegum búnaði og tækjakosti, er mætt með frjálsum framlögum þeirra sem sækja námskeiðin.

Hver er Shri Mataji?

Shri Mataji Nirmala Devi er höfundur Sahaja yoga, sem hún kom á fót árið 1970. Frá þeim tíma hefur hún haldið þúsundir fyrirlestra og kennt milljónum manna að tileinka sér þessa hugleiðsluaðferð. Lesa meira

Sahaja Yoga á Íslandi - Dalbraut 27, gengið inn frá Sundlaugavegi - 105 Reykjavík.
Kynningarfundir fyrsta & þriðja hvern mánudag hvers mánaðar kl 20:00.